Durgadevi Kavacham - Sanskrit

From Shakta Pramoda

इति स्तोत्रम् ॥
अथ कवचम्

शृणु देवि प्रवक्ष्यामि कवचं सर्वसिद्धिदम् ॥
पठित्वा पाठयित्वा च नरो मुच्येत सङ्कटात् ॥

अज्ञात्वा कवचन्देवि दुर्गामन्त्रञ्च यो जपेत् ।
स नाप्नोति फलन्तस्य परञ्च नरकम्व्रजेत् ॥

उमादेवी शिरः पातु ललाटे शूलधारिणी ।
चक्षुषी खेचरी पातु कर्णौ चत्वरवासिनी ॥

सुगन्धा नासिके पातु वदनं सर्वधारिणी ।
जिह्वाञ्च चण्डिका देवी ग्रीवां सौभद्रिका तथा ।

अशोकवासिनी चेतो द्वौ बाहू वज्रधारिणी ।
हृदय/ ल्ललिता देवी उदरं सिंहवाहिनी ॥

कटिम्भगवती देवी द्वावूरू विन्ध्यवासिनी ।
महाबला च जङ्घे द्वे पादौ भूतलवासिनी ॥

एवं स्थितासि देवि त्वन्त्रैलोक्ये रक्षणात्मिका ।
रक्ष मां सर्वगात्रेषु दुर्गे देवि नमोऽस्तु ते ॥

iti stotram ||
atha kavacham

shR^iNu devi pravakShyAmi kavachaM sarvasiddhidam ||
paThitvA pAThayitvA cha naro muchyeta sa~NkaTAt ||

aj~nAtvA kavachandevi durgAmantra~ncha yo japet |
sa nApnoti phalantasya para~ncha narakamvrajet ||

umAdevI shiraH pAtu lalATe shUladhAriNI |
chakShuShI khecharI pAtu karNau chatvaravAsinI ||

sugandhA nAsike pAtu vadanaM sarvadhAriNI |
jihvA~ncha chaNDikA devI grIvAM saubhadrikA tathA |

ashokavAsinI cheto dvau bAhU vajradhAriNI |
hR^idaya/ llalitA devI udaraM siMhavAhinI ||

kaTimbhagavatI devI dvAvUrU vindhyavAsinI |
mahAbalA cha ja~Nghe dve pAdau bhUtalavAsinI ||

evaM sthitAsi devi tvantrailokye rakShaNAtmikA |
rakSha mAM sarvagAtreShu durge devi namo.astu te ||