কীলকস্তোত্রম্ - कीलकस्तोत्रम् - kīlakastotram

কীলকস্তোত্রম্
ঔং অস্য শ্রীকীলকমন্ত্রস্য শিবঋষিঃ অনুষ্টুপ ছন্দঃ শ্রীমহাসরস্বতী দেবতা শ্রীজগদম্বাপ্রীত্যর্থং সপ্তশতীপাঠাঙ্গত্বেন জপে বিনিয়োগঃ |
ঔং নমশ্চণ্ডিকায়ৈ |
মার্কণ্ডেয় উবাচ .
ঔং বিশুদ্ধজ্ঞানদেহায় ত্রিবেদীদিব্যচক্ষুষে .
শ্রেয়ঃপ্রাপ্তিনিমিত্তায় নমঃ সোমার্ধধারিণে .. ১..
সর্বমেতদ্বিজানীয়ান্মন্ত্রাণামপি কীলকম্ .
সোঽপি ক্ষেমমবাপ্নোতি সততং জপ্যতত্পরঃ .. ২..
সিদ্ধ্যন্ত্যুচ্চাটনাদীনি কর্মাণি সকলান্যপি .
এতেন স্তুবতাং দেবীং স্তোত্রবৃন্দেন ভক্তিতঃ .. ৩..
ন মন্ত্রো নৌষধং তস্য ন কিঞ্চিদপি বিদ্যতে .
বিনা জপ্যেন সিদ্ধ্যেত্তু সর্বমুচ্চাটনাদিকম্ .. ৪..
সমগ্রাণ্যপি সেত্স্যন্তি লোকশঙ্কামিমাং হরঃ .
কৃত্বা নিমন্ত্রয়ামাস সর্বমেবমিদং শুভম্ .. ৫..
স্তোত্রং বৈ চণ্ডিকায়াস্তু তচ্চ গুহ্যং চকার সঃ .
সমাপ্নোতি স পুণ্যেন তাং যথাবন্নিমন্ত্রণাম্ .. ৬..
সোঽপি ক্ষেমমবাপ্নোতি সর্বমেব ন সংশয়ঃ .
কৃষ্ণায়াং বা চতুর্দশ্যামষ্টম্যাং বা সমাহিতঃ .. ৭..
দদাতি প্রতিগৃহ্ণাতি নান্যথৈষা প্রসীদতি .
ইত্থং রূপেণ কীলেন মহাদেবেন কীলিতম্ .. ৮..
যো নিষ্কীলাং বিধায়ৈনাং চণ্ডীং জপতি নিত্যশঃ .
স সিদ্ধঃ স গণঃ সোঽথ গন্ধর্বো জায়তে ধ্রুবম্ .. ৯..
ন চৈবাপাটবং তস্য ভয়ং ক্বাপি ন জায়তে .
নাপমৃত্যুবশং যাতি মৃতে চ মোক্ষমাপ্নুয়াত্ .. ১০..
জ্ঞাত্বা প্রারভ্য কুর্বীত হ্যকুর্বাণো বিনশ্যতি .
ততো জ্ঞাত্বৈব সম্পূর্ণমিদং প্রারভ্যতে বুধৈঃ .. ১১..
সৌভাগ্যাদি চ যত্কিঞ্চিদ্ দৃশ্যতে ললনাজনে .
তত্সর্বং তত্প্রসাদেন তেন জপ্যমিদম শুভম্ .. ১২..
শনৈস্তু জপ্যমানেঽস্মিন্ স্তোত্রে সম্পত্তিরুচ্চকৈঃ .
ভবত্যেব সমগ্রাপি ততঃ প্রারভ্যমেব তত্ .. ১৩..
ঐশ্বর্যং তত্প্রসাদেন সৌভাগ্যারোগ্যমেব চ .
শত্রুহানিঃ পরো মোক্ষঃ স্তূয়তে সা ন কিং জনৈঃ .. ১৪..
চণ্ডিকাং হৃদয়েনাপি যঃ স্মরেত্ সততং নরঃ .
হৃদ্যং কামমবাপ্নোতি হৃদি দেবী সদা বসেত্ .. ১৫..
অগ্রতোঽমুং মহাদেবকৃতং কীলকবারণম্ .
নিষ্কীলঞ্চ তথা কৃত্বা পঠিতব্যং সমাহিতৈঃ .. ১৬..
.. ইতি শ্রীভগবত্যাঃ কীলকস্তোত্রং সমাপ্তম্ ..

कीलकस्तोत्रम्
ॐ अस्य श्रीकीलकमन्त्रस्य शिवऋषिः अनुष्टुप् छन्दः श्रीमहासरस्वती देवता श्रीजगदम्बाप्रीत्यर्थं सप्तशतीपाठाङ्गत्वेन जपे विनियोगः ।
ॐ नमश्चण्डिकायै ।
मार्कण्डेय उवाच .
औं विशुद्धज्ञानदेहाय त्रिवेदीदिव्यचक्शुषे .
श्रेयःप्राप्तिनिमित्ताय नमः सोमार्धधारिणे .. १..
सर्वमेतद्विजानीयान्मन्त्राणामपि कीलकम् .
सोऽपि क्शेममवाप्नोति सततं जप्यतत्परः .. २..
सिद्ध्यन्त्युच्चाटनादीनि कर्माणि सकलान्यपि .
एतेन स्तुवतां देवीं स्तोत्रवृन्देन भक्तितः .. ३..
न मन्त्रो नौषधं तस्य न किज्ञ्चिदपि विद्यते .
विना जप्येन सिद्ध्येत्तु सर्वमुच्चाटनादिकम् .. ४..
समग्राण्यपि सेत्स्यन्ति लोकशङ्कामिमां हरः .
कृत्वा निमन्त्रयामास सर्वमेवमिदं शुभम् .. ५..
स्तोत्रं वै चण्डिकायास्तु तच्च गुह्यं चकार सः .
समाप्नोति स पुण्येन तां यथावन्निमन्त्रणाम् .. ६..
सोऽपि क्शेममवाप्नोति सर्वमेव न संशयः .
कृष्णायां वा चतुर्दश्यामष्टम्यां वा समाहितः .. ७..
ददाति प्रतिगृह्णाति नान्यथैषा प्रसीदति .
इत्थं रूपेण कीलेन महादेवेन कीलितम् .. ८..
यो निष्कीलां विधायैनां चण्डीं जपति नित्यशः .
स सिद्धः स गणः सोऽथ गन्धर्वो जायते ध्रुवम् .. ९..
न चैवापाटवं तस्य भयं क्वापि न जायते .
नापमृत्युवशं याति मृते च मोक्शमाप्नुयात् .. १०..
ज्ञात्वा प्रारभ्य कुर्वीत ह्यकुर्वाणो विनश्यति .
ततो ज्ञात्वैव सम्पूर्णमिदं प्रारभ्यते बुधैः .. ११..
सौभाग्यादि च यत्किज्ञ्चिद् दृश्यते ललनाजने .
तत्सर्वं तत्प्रसादेन तेन जप्यमिदम् शुभम् .. १२..
शनैस्तु जप्यमानेऽस्मिन् स्तोत्रे सम्पत्तिरुच्चकैः .
भवत्येव समग्रापि ततः प्रारभ्यमेव तत् .. १३..
ऐश्वर्यं तत्प्रसादेन सौभाग्यारोग्यमेव च .
शत्रुहानिः परो मोक्शः स्तूयते सा न किं जनैः .. १४..
चण्डिकां हृदयेनापि यः स्मरेत् सततं नरः .
हृद्यं काममवाप्नोति हृदि देवी सदा वसेत् .. १५..
अग्रतोऽमुं महादेवकृतं कीलकवारणम् .
निष्कीलज्ञ्च तथा कृत्वा पठितव्यं समाहितैः .. १६..
.. इति श्रीभगवत्याः कीलकस्तोत्रं समाप्तम् ..

kīlakastotram
auṁ asya śrīkīlakamantrasya śivaṛṣiḥ anuṣṭup chandaḥ śrīmahāsarasvatī devatā śrījagadambāprītyarthaṁ saptaśatīpāṭhāṅgatvena jape viniyogaḥ |
auṁ namaścaṇḍikāyai |
mārkaṇḍeya uvāca .
auṁ viśuddhajñānadehāya trivedīdivyacakśuṣe .
śreyaḥprāptinimittāya namaḥ somārdhadhāriṇe .. 1..
sarvametadvijānīyānmantrāṇāmapi kīlakam .
so'pi kśemamavāpnoti satataṁ japyatatparaḥ .. 2..
siddhyantyuccāṭanādīni karmāṇi sakalānyapi .
etena stuvatāṁ devīṁ stotravṛndena bhaktitaḥ .. 3..
na mantro nauṣadhaṁ tasya na kijñcidapi vidyate .
vinā japyena siddhyettu sarvamuccāṭanādikam .. 4..
samagrāṇyapi setsyanti lokaśaṅkāmimāṁ haraḥ .
kṛtvā nimantrayāmāsa sarvamevamidaṁ śubham .. 5..
stotraṁ vai caṇḍikāyāstu tacca guhyaṁ cakāra saḥ .
samāpnoti sa puṇyena tāṁ yathāvannimantraṇām .. 6..
so'pi kśemamavāpnoti sarvameva na saṁśayaḥ .
kṛṣṇāyāṁ vā caturdaśyāmaṣṭamyāṁ vā samāhitaḥ .. 7..
dadāti pratigṛhṇāti nānyathaiṣā prasīdati .
itthaṁ rūpeṇa kīlena mahādevena kīlitam .. 8..
yo niṣkīlāṁ vidhāyaināṁ caṇḍīṁ japati nityaśaḥ .
sa siddhaḥ sa gaṇaḥ so'tha gandharvo jāyate dhruvam .. 9..
na caivāpāṭavaṁ tasya bhayaṁ kvāpi na jāyate .
nāpamṛtyuvaśaṁ yāti mṛte ca mokśamāpnuyāt .. 10..
jñātvā prārabhya kurvīta hyakurvāṇo vinaśyati .
tato jñātvaiva sampūrṇamidaṁ prārabhyate budhaiḥ .. 11..
saubhāgyādi ca yatkijñcid dṛśyate lalanājane .
tatsarvaṁ tatprasādena tena japyamidam śubham .. 12..
śanaistu japyamāne'smin stotre sampattiruccakaiḥ .
bhavatyeva samagrāpi tataḥ prārabhyameva tat .. 13..
aiśvaryaṁ tatprasādena saubhāgyārogyameva ca .
śatruhāniḥ paro mokśaḥ stūyate sā na kiṁ janaiḥ .. 14..
caṇḍikāṁ hṛdayenāpi yaḥ smaret satataṁ naraḥ .
hṛdyaṁ kāmamavāpnoti hṛdi devī sadā vaset .. 15..
agrato'muṁ mahādevakṛtaṁ kīlakavāraṇam .
niṣkīlajñca tathā kṛtvā paṭhitavyaṁ samāhitaiḥ .. 16..
.. iti śrībhagavatyāḥ kīlakastotraṁ samāptam ..